PAŞA Bankın “Onlayn kredit” məhsulu regionda KOS üçün “Ən yaxşı bank məhsulu” seçilib

“SME Banking” beynəlxalq klubun Ekspert Şurası tərəfindən 2021-ci ildə apardığı regional bazarda kredit məhsullarının öyrənilməsinin nəticələrinə həsr olunmuş yekun iclas keçirilib. Beləliklə, dərc edilmiş nəticələrə əsasən, KOS-ların dövriyyə kapitalının artırılmasına yönəlmiş məhsulların arasında PAŞA Bankın “Onlayn Biznes Kredit” regionda ən yaxşı bank məhsulu kimi tanınıb.

“SME Banking ” beynəlxalq klubun araşdırmasında Azərbaycan, Gürcüstan, Rusiya, Qazaxıstan, Ukrayna və digər MDB ölkələrindən 200-dən çox bankın təklif etdiyi təminatlı və təminatsız kredit məhsulları təhlil edilib. Rahatlıq, sürət və innovativlik kimi amillər regional bazarda ən yaxşı məhsulların müəyyənləşdirilməsində əsas meyar kimi istifadə edilmişdir. Tədqiqat KOS seqmentində həm hüquqi şəxslərə, həm də fərdi sahibkarlara təklif olunan maliyyə məhsullarını əhatə edib.

PAŞA Bankın KOS sahəsinin rəhbəri Aleksandr Qolovkonun sözlərinə görə, Bankın 2021-2023-cü illər üçün İnkişaf Strategiyasında əsas prioritetlərdən biri kiçik və orta biznes seqmentində sahibkarlarla işgüzar əlaqələrin daha da gücləndirilməsidir.

“Son illər ərzində bank hesabının onlayn açılması, onlayn formatda kreditin verilməsi kimi təqdim etdiyimiz innovativ məhsullar və biznesin inkişafı üçün digər əlverişli və effektiv vasitələr bazar oyunçularının fəaliyyitlərinin artırılmasına, rəqabətin gücləndirilməsinə və müasir texnoloji həllərindən daha da geniş istifadəyə yönəltmək kimi üstünlüklər əldə edilib. Əminik ki, fəal inkişaf edən KOS seqmenti bundan sonra da real sektorun inkişafına, o cümlədən Azərbaycan iqtisadiyyatının hazırki uğurlu şaxələndirilməsinə töhfə verməyə davam edəcək”, – deyə A. Qolovko yekunlaşdırıb.

Bu linkə daxil olaraq PAŞA Bankın “Onlayn Kreditlər” məhsulu haqqında daha ətraflı məlumat əldə edə və kredit üçün müraciət edə bilərsiniz.

Bir cavab yazın

error: Mətndən istifadə etmək qadağandır!
%d bloggers like this: