“Qələbə qaçışı”na qeydiyyat üçün son bir gün qalır
Frame.az xəbər verildiyi kimi, noyabrın 6-da Gənclər və İdman Nazirliyi müzəffər Azərbaycan Ordusunun Vətən müharibəsində qazandığı möhtəşəm zəfərə həsr olunmuş “Qələbə qaçışı” adlı növbəti xeyriyyə qaçışı təşkil edəcək.
“Qürurla irəli” şüarı ilə keçiriləcək qaçışa qoşulmaq istəyənlər qeydiyyat zamanı, xeyriyyə məqsədilə 20 manat iştirak haqqı ödəməlidir. Əldə olunan vəsait Şəhid ailələrinə xeyriyyə məqsədilə sərf ediləcək.
“Qələbə qaçışı”nın iştirakçıları Dənizkənarı Milli Parkda, “Yeddi gözəl” fəvvarəsinin yanından start götürəcəklər. Qaçış 3 müxtəlif (3 km, 5 km, və 10 km) məsafəni əhatə edəcək və iştirakçılar həmin 3 məsafədən hər hansı birində finiş xəttinə çıxa bilərlər. Qeyd edək ki, qalib olmaq üçün 10 km-lik məsafəni tam qət etmək vacibdir.
Tədbir zamanı böyükdən kiçiyə hər kəs üçün maraqlı tədbirlər və urban (şəhər) idmanı master klasları da təşkil ediləcək.
Belə ki, qeydiyyatın bitməsinə bir gün qalır. 17 yaşdan yuxarı hər kəs qaçışda iştirak üçün https://marathon.smartscoring.com linki vasitəsilə 4 noyabr saat 12.00-dək qeydiyyatdan keçə bilər. Qeydiyyat başa çatdıqdan sonra, müraciəti qəbul edilmiş iştirakçıların e-maillərinə təsdiq məktubu və iştirakçı bələdçisi göndəriləcək.
Ətraflı məlumat üçün və ya qeydiyyat zamanı yarana biləcək hər hansı bir sualla bağlı info@smartscoring.com e-mailinə yazmaq və ya hər gün saat 09.00-dan 21.00-dək 012-404-13-83 telefonla əlaqə saxlamaq olar.
