“Qarabağ” klubunun hücumçusu Dino Ndlovu yığmaya çağırılıb

“Qarabağ” klubunun futbolçusu Dino Ndlovu komandadakı uğurlu çıxışı ilə “Cənubi Afrika Respublikası” millisinin baş məşqçisi Stüart Bakster’in diqqətini cəlb etməyi bacarıb.

Hücumçu DÇ-2018-in seçmə mərhələsində oktyabr ayının 7-də keçiriləcək “Burkina Faso” millisinə qarşı oyuna dəvət alıb. Qeyd edək ki, Dino ilk öncə U23-ün heyətində 2009-cu ildə debüt edib və keçirdiyi 2 oyuna 3 qol vurub.

Əsas millinin heyətində isə 2012-ci ildən çıxış edən futbolçu keçirdiyi 4 oyunda fərqlənə bilməyib.