STP-nin türk tərəfdaşları ASSAN-STP Panel işçiləri ilə görüşüb

STP-nin tərəfdaşlarından olan Türkiyə nəhəngi Kibar Holdinqin Assan Panel şirkətinin nümayəndələri “ASSAN-STP Panel”birgə müəssisəsinin işçi heyəti ilə görüşüb.Görüşün məqsədi kollektivi birgə müəssisədə salamlamaq vəregion iqtisadiyyatı üçün əhəmiyyətli tərəfdaşlıq kəsb edən yeni layihə ilə bağlı təbrik etmək olub.

Görüş zamanı işçi heyətinə Kibar Holdinq ailəsi və Assan Panel şirkəti haqqında ətraflı məlumatla yanaşı “ASSAN-STP Panel” şirkətinin yaxın gələcək üçün planları barədə də məlumat verilib. Şirkətin əsas hədəflərinin qısa zamanda məhsul çeşidini artırmaq, keyfiyyət göstəricisi olan sertifikatlar əldə etmək, yerli satış və ixracı artırmaq olduğubildirilibdir.

Qeyd edək ki, STP və Türkiyənin iri sənaye qrupu olan Kibar Holding-ə aid Assan Panel Sanayı ve Ticaret A.Ş. (Assan Panel) 2020-ci ildə əməkdaşlıq danışıqlarına başlamış və 2021-ci ildə bu danışıqlar birgə müəssisə yaratmağı nəzərdə tutan müqavilə ilə nəticələnmişdir. 2021-ci ilin mayında artıq STP-nin Sendviç Panelləri zavodunun bazasında“ASSAN-STP Panel” birgə müəssisəsitəsis edilmişdir.

Hyundai, Turkish Airlines, Posco və digər nəhəng beynəlxalq şirkətlərlə birgə müəssisələr qurmuş Kibar Holding-ə aluminium, avtomobil, qida və neft-qaz kimi bir çox sektorda fəaliyyət göstərən şirkətlər daxildir. Həmin şirkətlərindən biri olan Assan Panel Avropa, Yaxın Şərq, Orta Asiya və Afrika daxil olmaqla ümumilikdə 85 ölkəyə ixraclar həyata keçirir.

Bir cavab yazın

error: Mətndən istifadə etmək qadağandır!
%d bloggers like this: