Sumqayıt Texnologiyalar Parkı İngiltərənin Qlobal şirkəti “WeirGroup” ilə anlaşma memorandum imzalayıb
Sumqayıt Texnologiyalar Parkı və İngiltərənin əsasən mədənçilik və neft-qaz sənayeləri üzrə ixtisaslaşmış WeirGroup şirkəti ilə anlaşma memorandumu imzalayıb. Sənədi “WeirGroup”-un“Weir Oil&GasEastern Hemisphere” şirkətinin prezidenti LiGloheç, “Weir Oil&Gas Eastern Hemisphere” şirkətinin Rusiya və Orta Asiya ölkələri üzrə Baş direktoru AltugBilgic, STP tərəfdən şirkətin Baş direktoru Emin Məmmədov imzalayıb.
Anlaşma şirkətlərin Azərbaycanda və MDB ölkələrində əməkdaşlıq etmək məqsədi daşıyır. Bu memorandum STP üçün şirkəti doğru istiqamətdə inkişaf etdirib, qlobal bazara daha sağlam şəkildə çıxarmaqda növbəti addımdır. WeirGroup-la əməkdaşlıq STP-yə xüsusilə Neft və Qaz sektorunda daha böyük layihələrə qoşulmaq imkanı yaradacaq.
WeirGroup 1871-ci ildə İngiltərədə mühəndislər tərəfindən yaradılmış. Şirkət minerallar, neft-qaz və energetika sənayesi üçün yüksək səviyyəli məhsullar və xidmətlərin tərtibi və istehsalı ilə məşğul olur.
Qeyd edək ki, Sumqayıt Texnologiyalar Parkı (STP) regionda texnoparkların yaradılmasında pioner olmaqla, müxtəlif istehsalat sahələri üzrə ixtisaslaşmış nəhəng zavodlar kompleksidir. Park 2009-cu il dekabr ayının 22-də dövlət başçısı İlham Əliyev tərəfindən istismara verilib. Hazırda STP-də mövcud olan 13 zavodda 30-dan çox istehsal sahəsi fəaliyyət göstərir. Bu sahələr neft və qaz, tikinti, energetika və kənd təsərrüfatı sahələri üçün geniş çeşiddə məhsullarla təmin edir. Kabel, Polimer boru, elektrik avadanlıqları, metal konstruksiyalar, qəliblər, press formalar və ştamplar bu məhsullardandır.
Frame.az
