Bu ilin birinci yarısında “Şahdağ” Turizm Mərkəzini 70 min nəfər ziyarət edib

2022-ci ildə “Şahdağ” Turizm Mərkəzinə 109 mindən çox ziyarətçi gəlib. Hotellərdə isə 60 minə yaxın qonaq olub.

Bunu yay mövsümünün başlanması ilə əlaqədar təşkil olunan brifinqdə “Şahdağ” Turizm Mərkəzinin sədri Rüstəm Nəcəfov deyib.

“Cari ilin yanvar-iyun aylarının göstəricilərinə əsasən, “Şahdağ” Turizm Mərkəzini artıq 70 minə yaxın şəxs ziyarət edib. Hotel xidmətlərindən isə 26 min nəfər istifadə edib. Yay mövsümü yeni başlayıb və əminik ki, ilin sonuna kimi ötənilki göstəriciləri üstələyəcəyik”, – deyə R.Nəcəfov qeyd edib.