Formula 1 Azərbaycan Qran Prisi 2022 üçün könüllülərin müsahibə mərhələsinə start verildi!

Yanvarın 31-dən başlanan müsahibələr mart ayının əvvəlinə qədər davam edəcək.

 

2022-ci il Azərbaycan Qran Pirisinə qatılmaq istəyən könüllülərin qeydiyyat mərhələsi artıq yekunlaşdı. 31 yanvar tarixindən etibarən qeydiyyatı uğurla başa vuran könüllülərin müsahibə mərhələsinə start verilib.

 

Bakıda baş tutacaq Formula 1 yarışlarına və ümumilikdə könüllülük fəaliyyətinə olan marağın nəticəsidir ki, 14 yanvarda start götürmüş qeydiyyat prosesi 18 yanvar tarixində bitmişdir. Qeyd edək ki, dörd gün ərzində ümumilikdə 8000-dən çox müraciət qəbul olunub.

 

Müsahibə mərhələsində namizədlərin motivasiyasına, dil biliklərinə, eləcə də könüllü kimi əvvəlki tədbirlərdə təcrübəsinə, F1 yarışlarında işləmək məqsədi, tədbirə verə biləcəyi töhfələr və digər şəxsi bacarıqlarına xüsusi diqqət yetirilir.

Müsahibə mərhələsindən uğurla keçən könüllülər “Ümumi təlimlər” mərhələsinə dəvət alacaqdır.

 

Bundan əlavə olaraq, könüllülərin fərdi və peşəkar inkişafları üçün BCC Akademiyada müxtəlif təlimlər, seminarlar və danışıq klubları təşkil ediləcəkdir.

Könüllülük proqramına dair yeniliklərdən anında xəbərdar olmaq üçün sosial media səhifələrimizi izləməyinizi tövsiyə edirik:

https://www.facebook.com/BakuVolunteers/https://www.instagram.com/bakucitycircuit/

Bir cavab yazın

error: Mətndən istifadə etmək qadağandır!
%d bloggers like this: